يا طير مهاجر فى السما وحدك 

عديت حدود الضى 

الحب له آخر 

والعشق مالهوش زى 

فإن القلب راح للعشق 

فالقلب راح .....مش جى 

وإن القلب مات عاشق 

فالقلب لساه .....حى 

يا طير مهاجر فى السما وحدك 

من قبلى للوادى 

سايبنى ليه وحدى 

نسيتنى ليه معادى 

مكتوب علي العشق

والغربة فى بلادى 

يا طير مهاجر فى السما وحدك 

من فوق قلوب وجبال 

أنا قلبى بيك مكوى 

وقلبى ليك رحال 

والعمر من بعدك 

عدت سنينه طوال 

لا شوفنا فيه الفرح 

ولا عرفنا راحة البال 

يا طير مهاجر فى السما وحدك 

امتى تعود للوطن ؟

مليتش الغربة ؟

مليتش الترحال ؟

لازم نبعد

وزمان قولتلك 
 لازم نبعد 
 هو انتى هتعيشى معايا ازاى 
وانا الأرض براحى 
ولحافى السما 
 وبكمل من نومى عشاي

وعشان انا عارف 
ان لحاف السما  دا مابيدفيش 
وانك لو جيتى ف يوم وقولتيلى 
فين  الشبكة وفين الشقة وفين العفش وفين المهر وفين وفين ....
رح ارد مفيش 
 وعشان انا عارف ان الحب بيخلص 
ومبيكفيش 
فكان لازم نبعد 

حتى ولو كنت عشقتك 
وعشقت الحزن الساكن فى عيونك 
والحب الساكن فى كلامك 
والشوق الساكن فى سلامك 
 وعشقتك كلك على بعضك 
وكإنك معزوفة ناى 

وبرغم ان العشق عموما 
أصله حلال 
لا بييحى بجاه 
ولا بكتر المال 
لكن وعشان احنا صعايدة ولينا أصول 
فالأصل يقول 
لازم نبعد 

واهو مهما بعدتى 
وانا مهما بعدت يابت الناس 
رح تفضلى عايشة فى قلبى خلاص
 وف ضحك البحر 
وف وجع الناى 
وف امبارح اللى راح
وف بكرة الجاى 
وف كل سؤال  بينى وبين نفسى 
بيقول ازاى 
 ازاى انا شوفتك 
وازاى انا عرفتك 
وازاى 
حبيت 
 وازاى ساكنانى كما العفاريت 
وازاى الروح بتروح 
لو عدت مرة ف ساعة شوق 
من جمب البيت 
ألفين ازاى وأولهم ..
هو انتى كنتى هتعيشى معايا ازاى ؟؟؟؟؟؟؟؟

محدش يشبهلك

والنهاردة 
وبعد سنين 
أنا أشهد 
إنك فى عيونك دول 
مكتوب أنا مين 
وان عيونك 
لما بتضحك 
بتهب نسايم 
على قلبى البور 
فبيطرح ورد 
وانك طاقة نور 
لما طريقى يضلم 
وانك كتلة نار 
لما عزيمتى تخور 
ولما القلب فى يوم يحس ببرد
أشهد 
ان محدش بشبهلك 
وانك ولا تشبهى حد 

اسيوط

يا مركبة صغيرة 

من اسيوط لقلب النيل 

لمتنا 

كانت تغور الخلايق 

اللى ع العشق لامتنا 

بعد الفراق 

لسة فى قلبى امل 

نعود من تانى نتلاقى 

بعد الفراق 

ماتفتكريش اننا عشنا 

والله لا 

متنا 

فى الشارع

يانور مرصع فى عز الليل

شوارعنا    

الوحدة والفرقة 

وسهر الليل بيجمعنا 

يا منور طريق للخلق 

والوحدة تقتل فيك

يا مخبى النجوم عنى 

قلى لمين اشكيك ؟

ولو شكينا ف يوم 

مين هيسمعنا 

جاوب على التالى 

هل كان فى يوم يانور 

من غير حبايبنا 

لحياتنا دى معنى ؟
............................ز

إن كنتى راحلة

إن كنتى لابد راحلة 

فلترحلى 

فالأصل فينا ان البعد ليس يطول 

فلقد ذكرتك منذ يوم العهد 

بأن الله واحد 

وأن محمدا (سيدى ) نبيه ورسول 

وأمس خلقنا 

نرتجى أيامنا 

صدق الرجا 

أيامنا حلت 

معها المشيب وقبل اللقاء أفول 

صبرا على البعد حتى لقاءنا 

فالصبر حال البعد 

طيب وجميل 

...........................................................

عادة

وفى كل يوم 

بغيرك 

سألتك بربك 

بدمع يسيل 

لماذا أسافر بغير انتهاء ؟؟

لماذا يعز علينا اللقاء ؟؟

لماذا الرحيل ؟؟
............................................