يا مستنى الامل
قوم موت الامل مش جاى
 وياللى زعلان ع البلد
عمر البلد ماهتنصلح
لا بغنوة
 ولا خيط هوا معزوف بقصبة ناى

انا ومن موقعى هذا

اعلن ان الأمل 
خايب 
وان الجراح عفنت 
من سيوة لحلايب
وانى كرهت الليل
وكرهت اكون دايب
......................................................................................................................................................................
 اعلن 
انك بريئة يامصر
من كل شئ كافر 
وانك بريئة يامصر
من كل شئ سافر
وانك بريئة يامصر
 م الواد اللى متغرب 
وطول العمر بيسافر
وانك بريئة يامصر 
من دمى اللى بيعافر 
انك بريئة يامصر 
من دمعى 
ودمع الرجال واعر 
ففيكى شئ لله 
وفيكى شئ داعر
.....................................................................................................................................................................
  واعلن انى سئمت الحياة
وانى قتلت الامانى الصغار
وان حنينى اليكى انتهى
وان العمر فى منتهاه
.....................................................................................................................................................................
واعلن انى قتلنى الهوى
وانى بدمى اليكى اتيت 
وانى جئت اليكى شكوت
وانى بظلمك قلبى اغتوى
......................................................................................................................................................................
واعلن ان حلمى 
مات صغيرا
بين ذراعى كطفل رضيع
وانى ماولدت كبيرا 
وانى انتهيت
وانى تشتت العمر بين الربوع
...........................................................................

اعلن 
انى عايش فى جالية فيكى ..
وانى غريب عنك
وان العمر مش ليكى..
وانتى مش امى
 وانى مش منك

اربط كتاب تاريخك
 واسحله 
ملعون التاريخ اللى يفتكر مين قتل
 وينسى الغلابة
 اللى مات فى بطن الليل
 فى مستشفى
 واللى مات مفروم واللى اتسحل
 واللى عايشين ف عنيهم الف علامة استفهام 
مكان الأمل 

واو صعيدى

الله خلق الخلق وعدله .... 
وكل واحد له عَدَلُه ...
منا اللى ماشى عدل اهه 
 واللى راكب فرس بعِدَة له  
واللى زى الكلب مع ديله 
وقليل الأدب مانعديله 
ميل ع المايل واعدِلُه .... 

مجلس الشيوخ

يامجلس مشبك فى بعضه ...
شابك فى فوق... 
مليس فى مرشد
 مخيش متيس
 ولابس بشوق

ترنيمة 11

عمر قلبك ما دق مع قلبى ... 
لأنى غبى 
ولأنك ولا تعرفى تحبى ... 
ولأنى غبى عشقتك وصرخت
 فى حين انى كان لازم افضل طول العمر
 وانا  مخبى

ام القلوب 5

من باب الملل 
سيبتك  
وهايم 
يام الألف باب 
وعارف انى ماليش فيكى 
صحبة ولا احباب 
ورجعتلك ومش عارف
يام القلوب  لرجعتى اسباب

ام القلوب 4

تايه
فى سكك حبك
ويا عيالك السهرانين
مقتول
فى سواد عنيكى الدبلانين
يام القلوب
اللى عاصر قلبى عصر
وجع ...؟
ولا حنين ؟؟؟؟

ام القلوب 3

الخطوط اللى على خدودك 
ايه عملهالك ؟؟؟
دموع عينك ؟؟؟؟؟؟
طب على عمرك ؟
على تاريخك ؟؟
ولا على عيالك ؟؟؟؟؟
خدى يام القلوب عمرى 
 معطر بدمى 
تطيبى جرحك 
انا ولدك 
فاكرانى ؟؟؟؟
ولا ماجيتش على بالك ؟؟؟؟

ام القلوب 2

اللى راح فرحك 
يام القلوب 
 مات 
 واللى قعد ما  اتبل 
اللى راح يام القلوب 
عمره ما كان اهبل 
اروى الورد اللى فتح فى جناينك 
يام القلوب 
ولا مستنياه 
يدبل ؟؟؟؟؟

كوكبنا البعيد 3

ولأنى ماليش فى ميدانك 

منبر ولا منصة 

ولأنى بقالى سنين مستنى منك 

كلمة او بصة 

ولأنك ماتعرفينيش 

فى قلبى منك 

عشرميت غصة

كوكبنا البعيد 1

كوكبنا البعيد عالى 

موجود هناك فى مكان 

فاكرينك يا كوكبنا البعيد خالى 

وانا عارف ان فيك سكان 

يام القلوب نظرة ومدد 

ولا عمرنا ...ماكنا فى الحسبان

كوكبنا البعيد 1

دق ياقلب كوكبنا البعيد ...... انبض 

اسعى على حقك اجرى .... او اركض 

 وقول للى ناوى يهضمك تانى 

اتخلى  زى اللى فات غور.... ابعد

لأنى احبك

مزقنى حبك سيدت إربا 
 قطعنى اجزاء اجزاء 
 ولأنى احبك 
تنبض حبا 
 اشعلنى نارا 
اخمدنى 
فجرنى حرائق 
 اهمدنى 
نعمنى 
عذبنى 
ابكانى حتى أنى 
ولأنى أحبك
اصبح امسى اطاب قربا 
اطلب قربا ياجسدا يحمل قلبا من نار 
 ياقلبا يحمل ضوء الفجر 
 ويلج الليل بأقمارى 
 ياليلا يحمل اسرارى 
ولأنى احبك
كيف ادارى 
 ياقلبا مات الحب على بابه 
 ياقلبا يقتل احبابه 
 ياقلبا يمشى يحمل 
 قطرات دمائى بثيابه 
ولأنى احبك 
انا لا آبه 
 ينبض قلبى نبضات
 ليست كالنبض 
لا يخفق قلبى كقلوب البعض 
 ينبض قلبى
يقطر حزنا 
يقطر الما 
ينبض قلبى  الاما 
اوجاعا 
 فتتوالى نبضاتى سراعا 
 فأفرد كفيا شراعا 
وأحلق عنها بعيدا هذى الأض 
لأنى احبك
ولأنى احبك تاهت ايامى 
ولأنى احبك اعشق احلامى 
ولأنى احبك 
كالزئبق من بين يدي
 يضيع كلامى  

لأنى احبك       

انتظار

تعبت انتظارا 

ففى البعد نار

 وفى القرب نار

 وفى الهجر نارا 

وانى حين اعود اليك 

اعود اضطرارا

 وانى حين أراك

 تذوب السنين

 وكأنى يوما ماعرفت الوقارا

  

كراكيب

جوة القلوب كراكيب ..

حب يافع ..

عشق ضايع ..

او قلوب بتدوب ..

من همس الهوى ليها.. 

بتتقلب وتتوجع

 على عشق تانى وهيا...

لسه راجعة يدوب

ترنيمة 10

مانتى طول عمرك

 والتعب جارك 

ارض الكنانة والعذاب دارك 

عارفاكى مهمومة طول العمر 

والعمر عدى 

والفرح يابنتى لا زارنى فى يوم 

ولا زارك

ترنيمة 9

لأنى انسان ...

كرهت يموت ولادك على ايدك ...

يام القلوب فتحى شدى كدة عودك ..

ده عيالك الغلبانين ..

حالفين عظيم الله 

ليفتحو ورودك

ترنيمة8

قلبك موجوع 

وواجعنى..

مش مهم انك متعشقنيش ولكنى ... 
 
بحبك.....

وكون انك تحبى غيرى .

وبيملك وبيذلك وحبك ليه عن قتله 

هوة اللى مانعنى

ترنيمة 7

العمر 

ماهوش عدد سنين وخلاص .

 العمر اللى بيروح

 عشق وكلام وكون تانى
 واحلام 

و ام تبكى اخر الليل

 تكلم المعبود وتتنهنه
 على عيل صغير  راح

لاجل  كل الناس

ترنيمة 6

جايلك وانا دايب ...

اموت بيكى ...؟

انا موافق 

ولكن ماتردينيش خايب
....................................................
  ضحكنا يام القلوب م الهم 

 وضحكتنا ودمعتنا بلون الدم

 دم العساكر ع الحدود 

والخدود المحفورين م البكا على وش ام

ترنيمة 5

ليه دمى محنى الكف .... 

وليه بينا انت مش عايش ...

وليه ظلمك ماحن وكف ... 

وتحسبنى انا طايش ؟؟؟؟؟
...................................................................................................................................
ليه الظلم مالينا 

وناره ساكنة جوانا ... 

وليه الحلم ما لينا ( مش لينا ) ....

ودايخة نجومه فى سمانا.. ؟؟؟؟

ليه

ونضحك ليه فى وقت فيه الضحكة شئ سافل..... 

ونضحك ليه وايه يضحكنا والعمر بيمر

 وانا عن عد السنين غافل ... 

ونضحك كيف والغبى عنا بيتغافل

ماحصلش

كان ياما كان 

وف  زمان غير الزمان

 وف مكان غير المكان

 انسان  اسمه مصرى

  شبعان وماهوش جعان 

ولا محنى ولا مردوم

 وعنده الدهب بالكوم 

وعنده الدهب بالكوم 

يصحى يقوم بدرى 

 عشان شغله يقوم يجرى 

لأنه بيكافئ 

وحاكمه مكانشى خسيس ولا واطى ولا دلدول ولا كداب ولا منافق 

ترنيمة 4

العمر زاد عدى 

ولا عمرهوش  هدى 

ياعمر اخرك ايه ؟

 شوكة تجرح المستور ؟

ولا جايبلى معاك وردة ؟

صورة

والله غلابة 

قلعنا ولا لبسنا

  او متنا

 ولا اتحزمنا وف قلب الشارع ورقصنا

 بردو غلابة 

وقلوبنا غلابة  وبتحبك 

قلوبنا غلابة وبتحبك 

ماشيين على طول الخط على دربك 

عايشين فى بيوت او فى قلبك

بنقول ياماي او بابا 

بردو غلابة 

وقلوبنا غلابة  وبتعزك 

قوبنا غلابة وبتعزك 

ولو سافل راح وف يوم وزك 

على ولدك هنوقفله فى وشه لو هزك 

ماحنا غلابة 

وقلوبنا غلابة وبتريدك 

قلوبنا غلابة وبتريدك 

بس انتى تشاورى كدة بإيدك 

هنجيلك ياما ف مواعيدك 

نهديكى الروح كدة ونزيدك 

اصل احنا غلابة 

وحاكمانا ديابة 

ترنيمة 3

الطير المهاجر فى السما 

ماشى يحادى فبعض

 واحنافينااللى ظلم واللى اتظلم

واللى دايب م الألم 

واللى لو طال الأمل

هيدفنه فى الارض

ترنيمة 2

ولأنى انسان ...

كرهت يموت ولادك على ايدك ...

يام القلوب فتحى 

شدى كدة عودك ..

ده عيالك الغلبانين ..

حالفين عظيم الله 

ليفتحو ورودك

محكمة

االعشق تايه من زمان.... 

والدم ضايع ..

والبنت رايح عمرها ....

والحُكم صايع

ترنيمة 1

و كيف تتصانى...

 وهو بقى حاكم

صبحك دة ليله طويل ....

والليل ضلام قاتم

.انا دمى فيكى يسيل...

 وجرحى مش نايم

ازاى

بدم الشباب بتتوضى

وعايز ربنا يقبل؟؟

.همك تقيل لكن 

قتل العيال اتقل..

دة العادى

صباحك طين

 قطران

 صباحك مش باينله بيان ....

فجرك كل ما يشقشق
 
 بتتقفل فى وشى بيبان

صباحك خلاص ماهوش نادى

وليلك يام القلوب طول

 فجرك بلون الدم ودة العادى 

وانا قايل من الأول...

فزورة

 انا عريان 

ومش قالع

 وترشدنى للعجب عالمة ...

انا كرسى

ومش نافع

 وانا لمبة
 لكن مانفعش فى الضلمة

توهان

انا تايه

بضيع منى

تاه الحب من عمرى

وتاه العمر فى سنى 

انا عاشقك ومعشوقك

انا توهك وتوهانك 

انا ف صدرك

انا الضلع اللى بيغنى

عريان

هنقلعلك

 يام القلوب 

ونقعدلك كدة بلابيص

عشان مرسى 

وابو سمعة ينبسط كدة ويهيص

 وانا قالع ومش فاهم
 
 انا منك ؟؟؟؟

ولا منك بس جيش

وبوليس؟؟؟

حلاوة روح

 صباحك يا وطن...

 مدبوح 

 ودمى للغريب...

 مسموح

واناعايش 

 حلاوة روح 
 
 دى  نارك ..؟؟؟

ولا دى الجنة .؟؟؟

انا دمى فيك

 يا وطن

 غنى ...

فى عروقى وشرايينى 

على الاسفلت

 يستنى ..

ونستنى الرضا عنا

 منين مانروح

انا فرحك .... 

فى عز الغم 

.وانا جرحك 

اللى ع الجبين علم ......

ومش هيروح 

اناعايش

 وبتنطط وبتظاهر

انا عشقك الطاهر

انا محمود وانا الظاهر

انا اللى على جراح عشقك

بكون قادر 

انا ياما.....
 
  حلاوة روح ....

يعنى ايه ؟؟؟؟

يعنى ايه عيل يموت

عشان فى يوم

حب ....؟؟

يعنى ايه عيل يموت

 على شرايط قطر ...؟؟؟

 او يموت م الضرب   ...؟؟؟

 يعنى ايه تنزل دمعة من عينى

على اخويا ماتمسحيهاش ؟

 يعنى ايه الم جراحى

 فى صدرى

 واقوم اجرى

 على بكرة اللى لسة ماجاش؟؟؟

يعنى ايه ابوسك على جبينك

 تعادينى 

.يعنى ايه شوية بـــ.بشر فيكى 

 يجرحو دينى ...

يعن ايه لما ابويا كل صبح 

فعمرى يواسينى

يعنى ايه نشيلك جوة نن العين

واحنا مطرودين م القلب ؟؟؟؟