يا طير مهاجر فى السما وحدك
عديت حدود الضى
الحب له آخر
والعشق مالهوش زى
فإن القلب راح للعشق
فالقلب راح .....مش جى
وإن القلب مات عاشق
فالقلب لساه .....حى
يا طير مهاجر فى السما وحدك
من قبلى للوادى
سايبنى ليه وحدى
نسيتنى ليه معادى
مكتوب علي العشق
والغربة فى بلادى
يا طير مهاجر فى السما وحدك
من فوق قلوب وجبال
أنا قلبى بيك مكوى
وقلبى ليك رحال
والعمر من بعدك
عدت سنينه طوال
لا شوفنا فيه الفرح
ولا عرفنا راحة البال
يا طير مهاجر فى السما وحدك
امتى تعود للوطن ؟
مليتش الغربة ؟
مليتش الترحال ؟
